गुरुवार, 27 दिसंबर 2012

CHEHRE SE LAG RAHE HO GUNHGAAR SAAF-SAAF..

BHAGWAN KA HE TUM PE YE UPKAAR SAAF SAAF 
SHAITAA,N KE HO TUM KOI AUTAAR SAAF-SAAF..

KAISE KAHUN HO SHAIR-E-KHUDDAAR SAAF-SAAF..
CHEHRE SE LAG RAHE HO GUNHGAAR SAAF-SAAF..

TUMSA KAHI,N PA KOI NAHI,N HAI JANAB-E-MAN.
DEEKHA HAI FACE BOOK KA BHI BAZAAR SAAF-SAAF..

KARTA HUN KOSHISHE,N TO TUMHE,N GHEERNE KI MAI,N.
BACH KAR NIKAL HI JATE HO HAR BAR SAAF-SAAF..

AANKHOO,N SE JANE KISNE PILAYI HE AAP KO .
ABBA TO JEET KE BHI GAYE HAR SAAF-SAAF..

IN QAHQAHOO,N KE RAQS KE PEECHE CHIPA HAI GHAM.
BEGAM NE KYA LAGAI HE PHITKAAR SAAF-SAAF..

AA JAO BAAZ APNE GUNAHOO,N SE ABBA-JAAN.
MAI,N KAR RAHA HUN TUMKO KHABARDAR SAAF-SAAF..

GHAZLOO,N KI ITNI KHEEP LAGA DI HAI APNE .
KHALI HUA HAI AAPKA BHANDAAR SAAF-SAAF..

BAITHE HO SAR JHUKAYE JO TASVEER ME BHI TUM.
NUCHWA KE AYE HO KAHI,N DASTAAR SAAF-SAAF..

CHADAR KE DAGH TUMSE N CHOOTENGE AB KABHI .
AAMAL PA GUNEH KI HAI YALGHAAR SAAF-SAAF..

ALLAAH NE DIYA HAI HAR IK AADMI KO FAN ,
APNI HASAD KO KHUD KARO MISMAAR SAAF-SAAF..

SAALIM HO,N KI NAVED HO,N HASSAAS YA HUMA .
ABBA HE'N SAB TUMHARE WAFA DAAR SAAF-SAAF..

MULLA TUMHARE NAGLE ME JATA BHI HAI KOI .
YE KAH RAHA HAI AAJ KA AKHBAAR SAAF-SAAF..

BAITHE HO TEEZ DHOOP ME TANGE,N SIKOOD KE .
AMMI NE PHIR LAGAI HAI KYA MAAR SAAF-SAAF..

AB JANG KI TO BAT BHI KARNA N TUM KABHI .
KHOONTI PA TANG AAYE HO TALWAR SAAF-SAAF..

GHATE KA AAPNE KOI SAUDA NAHIN KIYA ..
BECHA TO HAI ZAMEER KO HAR BAR SAAF-SAAF..

JISNE BHI SAR JHUKA DIYA GARDAN UTAR LE .
AISA BHI KYA KHULOOS MIRE YAAR SAAF-SAAF..

SAB CHAHTE HAI,N QATL TUMHARA KARE,N MAGAR .
MARNE KO TUM HUYE NAHI TAIYYAR SAAF-SAAF..

TUM BAKHSHTE NAHI,N HO KISI KO BHI KYUN YAHA,N.
LAGTE HAI,N TUMKO SARE GUNAHGAAR SAAF-SAAF

ABBA ZARROR KHOON BADHA HOGA AAPKA .
SAB GA RAHE HAI,N AAPKI MALHAAR SAAF-SAAF..
...

AAJ USNE BHI MUJHE PHAINK KE MARE PATHTHAR..

NARM EHASAS KI BUNIYAD SE HARE PATHTHAR ..
BAN GAYE SAARE YATEEMOO,N KE SAHARE PATHTHAR.. 

LAZZAT-E_DEED SE MAHROOM HUYE JO UNKE ..
EK JAISE HAI,N JAHAN BHAR KE NAZARE PATHTHAR.. 

SHEESH MAHLOO,N KA MUKHALIF JO HUA HAI WO SHAKHSH.
CHEEN KAR LE GAYA HATOO,N SE HAMARE PATHTHAR.. 

RAUSHNI CHAN KE CHALI AAI GUFA KE ANDAR .
USNE SOORAKH SE WAISE TO GUZARE PATHTHAR.. 

TAH ME PAANI KI MUHABBAT ME PADE RAHTE HAI,N.
AAG RAKHTE HAI,N MAGAR JISM ME SARE PATHTHAR.. 

GHAR KI TANHAI ME IK PEED LAGAY THA KABHI .
JAB SAMR AAYE TO APNOO,N NE BHI MARE PATHTHAR.. 

SIRF IK JURM-E-SIDAQT HI HUA THA MUJHSE .
EK -IK SHKHSH NE KYUN PHAIK KE MARE PATHTHAR.. 

WO TO PAANI NE UNHE,N TAH ME RAKHA TAH WARNA.
AAG DUNIYA ME LAGA DEETE YE SARE PATHTHAR.. 

LAMS-E-SARWAR JO MILA QAID HUYE MUTHTHI ME .
AUR PHIR KALM-E-HAQ BHI TO PUKARE PATHTHAR.. 

GOD ME JISKO KHILAYA TAH KABHI BASOO,N TAK.
AAJ USNE BHI MUJHE PHAINK KE MARE PATHTHAR.. 

AASMAA,N SE YE ZAMI,N BHI TO CHAMKTIHAI BAHUT.
DEEKHNE WALE FAQAT CHAND-SITARE-PATHTHAR.. 

DE GAYE DARS-E-QANA-AKA SABAQ DUNIYA KO .
PEAT PAR BANDH KE MAHBOOB HAMARE PATHTHAR..

RAM KA NAM BALANDI KI ALAMAT THAHRA .
JAB LIKHA NAM SAMNDAR NE UBHARE PATHTHAR.. 

BAR SE UTH NAHI,N PAATE HAI,N JABHI PAANI KE.
SANG HONE KE UTHATE HAI,N KHASARE PATHTHAR.. 

DIL KA TO ZIKR HI KYA ROOH LARZ JATI HAI .
JAB HATHELI SE MIRI KHAL UTARE PATHTHAR.. 

BARISH-E-SANG ME IS DARJA RAHA HUN AI SHAUQ.
MUSKURATE HAI,N MUJHE DEEKH KE SARE PATHTHAR..

MERI TAQKHLEG SE AAYE MIRE FAN KI KHUSHBOO ..

PHAIL JAYEGI HAR IK SAMT SUKHAN KI KHUSHBOO ..
MERI TAQKHLEG SE AAYE MIRE FAN KI KHUSHBOO ..

SHAHED SA GHOOLE HAI KANO ME MUSALSAL URDU.
KITNI SHERI,N HAI SANA-KHWAN-E-DAHAN KI KHUSHBOO ..

MUDDATOO,N TAK JO MIRE QALB ME MEHMAN RAHA.
AB BHI AATI HAI USI ZAKHM-E-KUHAN KI KHUSHBOO ..

NOOR RAHTA HAI ANSIR KI HADOO,N ME JAB TAK .
PHAILTI RAHTI HAI DUNIYA ME BADAN KI KHUSHBOO ..

KAUN AAYA HAI HISAR-E-DIL-E WAHSHI ME ABHI .
QALB-E-EHSAS SE AATI HAI GALAN KI KHUSHBOO ..

TERE DIL ME TO UJALA NAHI,N HONE WALA .
MUJHKO MAHSOOS HUI SANWALEPAN KI KHUSHBOO ..

JAB CHUAA MERI HATHELI ME PADE CHALOO,N KO.
USKO MAHSOOS HUI HATH SE GHAN KI KHUSHBOO ..

GHAR KE MAHAUL KO PAKEEZA BANA DETI HAI .
GHAR ME PHAILI HUI DATA KE HAWANKI KHUSHBOO ..

WAHSHATE,N RAQS ME RAHTI HAI,N MUSALSAL DEKHO.
AAJ HAR SHAHER ME DAR AAI HAI BAN KI KI KHUSHBOO ..

MUZTARIB KARTI HAI,N JIDDAT KE PARASTAROO,N KO.
MERI GHAZLOO,N ME RIWAYAT-E-KUHAN KI KHUSHBOO ..

AAPSI PREM HAI BHARAT KA BAHUT HI AALA .
KHANQAHOO,N SE BHI AATI HAI BHAJAN KI KHUSHBOO ..

रविवार, 2 दिसंबर 2012

chand ash'aar

RAUSHNI KI TALAB TO THI AI DOST.
 MERA HI GHAR JALA DIYA TOONE..

 APNE DIL SE NIKALNE KE BAAD. 
PHIR MUJHE RASTA DIYA TOONE..

 DOSTI THI TO YE ZUROORI THA. 
PHIR MIRA QAD GHATA DIYA TOONE

AB KISI AUR KO MAIN KYA DEEKHUN.
 APNA JALWA DIKHA DIYA TOONE

RANJ ULJHAN GHUTAN PARESHAI 
. MUJH KO KYA KYA NAHIN DIYA TOONE

SHUKRIYA PHIKR PAR LADI ITNI . 
BEDIYOO,N KO HATA DIYA TOONE..

APNE JAZBAT MUJH PA URIYAA,N KAR. 
AAINA PHIR DIKHA DIYA TOONE

 SHAHER KI AAKHRI FASEEL PA PHIR.
. MERA HI SAR LAGA DIYA TOONE

TERE DIL SE TO MAIN NIKAL AAYA.
 AANKH ME AASRA DIYA TOONE..

MAINE MANGA THA TUJHSE DIL LEKIN
. KYA KAHA AUR KYA DIYA TOONE..

GHAZAL...JAB JALA KHUD KO MAI,N BANA KE CHARAGH ..



ZEHN ME HAIN TIRI ATA KE CHARAGH ..
SAB JALATE HAI,N IN SE AA KE CHARAGH ..

LALIMA BADH GAYI LAHU PI KAR .
DEKH SOORAJ UGA HAI KHA KE CHARAGH ..

HO GAYA KHATM RAQS ZULMAT KA .
JAB JALA KHUD KO MAI,N BANA KE CHARAGH ..

SATWE,N AASMA,N KE UPAR BHI ,
HAI,N ABHI MERE NAQSH-E-PAKE CHARAGH ..

SARBALANDI ATA-E-RABBI HAI .
BUJH GAYE SABKI BADDUAKE CHARAGH ..

ZULMATE,N MUHN CHIPAYE PHIRTI HAI,N.
AUR JALTE HAI,N SAR UTHAKE CHARAGH ..

CHAHTE HAI,N BAQA KISI SOORAT .
GHUP ANDHERE ME SAB FANA KE CHARAGH ..

PHIR SE IMKAN BARISHOO,N KE HAI,N .
JALNE WALE HAI,N PHIR GHATA KE CHARAGH ..

JISKA JI CHAHE GHAR CHALA JAYE .
USNE SABSE KAHA BUJHA KE CHARAGH ..

MUSHTAIL HO RAHE HAI,N ZEHN-O-DIL .
BUJH N JAYE,N KAHI,N HAWA KE CHARAGH ..

RAH CHALTE N LOG TAKRA JAYE,N .
DIN ME CHALTA HUN MAI,N JALA KE CHARAGH ..

BUZDILOO,N KI QATAR ME GUMSUM .
CHIP KE BAITHE HAI,N BEWAFA KE CHARAGH ..

RASTA KAT DEGI PHIR BIL LI .
APNE SAR PAR RAKHO DUA KE CHARAGH ..

RAUSHNI ME GUNAAH NA MUMKIN .
LOG SOTE RAHE JALA KE CHARAGH ..

SANS LENGE ZARA SUKOON SE PHIR .
ANDHIYOO,N KO ABHI HARA KE CHARAGH ..

KAN ME GOONJTE RAHE SHAB BHAR .
AAPKI AN KAHI SADA KE CHARAGH ..

AAYATOO,N KA NUZOOL AHMAD PAR.
AUR QURAA,N ME HAI,N KHUDA KE CHARAGH ..

MAIN BHI KARTA HUN MATAM-E-SHABBEER.
AANSUOO,N KE JALA JALA KE CHARAGH ..

KYA AJAB YE NIZAM-E-QUDRAT HAI .
JALTE RAHTE HAI,N SAR KATA KE CHARAGH ..

BAZU -E-KUFR KAT DALENGE .
HAM BHI IMAN KE JALANKE CHARAGH ..

USKI AANKHOO,N ME JALTE RAHTE HAI,N.
MERE HI ISHQ KI HAYA KE CHARAGH ..

ghazal....KAGAZ PA JAB KHYAL KE PAIKAR UBHAR GAYE ..

SHOHRAT KI TEEZ DHOOP ME HAM BHI NIKHAR GAYE ..

KAGAZ PA JAB KHYAL KE PAIKAR UBHAR GAYE ..

YE BARGAH-E-HAQ HAI YAHA,N SAR KE BHAL CHALO.

JO SAR UTHA KE CHALTE THE UN SABKE SAR GAYE ..

INSAF KE HUSOOL ME HAM JAISE CHAND LOG .
'
CHAKKAR ADALATOO,N KE LAGANE ME MAR GAYE ..

MUJH PAR TUMAHARE LAMS KA ZAHIR HUA ZAHOOR.

TUMNE JO CHU LIYA TO MIRE ZAKHM BHAR GAYE ..

YE SAB TAGHAYYURAAT -E-ZAMANA KE KHAIL HAI,N.

JO AASMM,N KE LOG ZAMI,N PAR UTAR GAYE ..

ghazal ..........MAOO,N KI APNI KHOOKH KE BAHCHE BHI MAR GAYE ..

KUCH AISE HADSAAT WATAN ME GUZAR GAYE ..
MAOO,N KI APNI KHOOKH KE BAHCHE BHI MAR GAYE ..

GHAR ME NAHI,N THA ANN KA DANA TO AI KHUD .
JANGAL KE KUCH PARIND MIRA PET BHAR GAYE ..

IS HAUSLE KI DAD TO DEEJE HAM AISE LOG .
KAGHAZ KI KASHTIYOO,N SE NADI ME UTAR GAYE ..

JATE HAI,N GHOONSLOO,N ME PARIDE BHI SHAM KO.
HAM JISM KE MAKAN SE NIKLE TO GHAR GAYE ..

POOCHA KI ZINDGANI KA ANJAM TO BATAOO .
HATHOO,N SE MERE TASH KE PATTE BIKHAR GAYE ..

AANKHE,N NAHI,N HAIN SHAUQ HAI SAPNO,N KI QABRGAH.
KHAWABOO,N KI MAUT KO TO ZAMNAE GUZAR GAYE ..

ghazal ....JAHA,N ME ISKI KOI BHI MISAL KYA HOGA ..

MISAL-E-GUMBAD-E-KHAZRA JAMAL KYA HOGA ..
JAHA,N ME ISKI KOI BHI MISAL KYA HOGA ..

USE JO YAD KARU,N DIL KI DHADKANE,N BADH JAYE,N.
YE HAL-E-DIL HAI NIGAHOO,N KA HALL KYA HOGA ..

HAWAS ME BAP NE BETI KII AABRU LOOTI .
AB IS SE AUR ZIYADHAH ZAWAL KYA HOGA..

GIRA HUN APNI NIGAHOO,N SE MAIN SO AB MERA.
TIRI NIGAAH ME MANSAB BAHAL KYA HOGA ..

TIRA WAJOOD HI SHEESHE SE MAVIRA HAI AI DOST.
AB IS HISAB SE SHEESHE ME BAL KYA HOGA ..

MAIN ANDROON SE KAISA SHAREEF BANDA HUN .
HAWAS NASEEB NAZAR KO KHAYAL KYA HOGA ..

JAHA,N ME HOTA HAI SAB KUCH USI KI MARZI SE .
TO AB HAMARA , KISI KA , KAMAL KYA HOGA ..

MAIN IK KISAN HUN MEHNAT TO MERA SHEWA HAI .
GHAMOO,N KI DHOOP ME CHEHRA NIDHAL KYA HOGA..

JAHAN-E-FIKR KI DAULAT LUTA RAHE HAI,N HAM .
HAMRE JAISA KOI KUCH-KHISAAL KYA HOGA ..

रविवार, 11 नवंबर 2012

PHOOL MAINE UGAYE MEHNAT SE


MERA MOHSIN ABHI NAHIN AAYA 
-DHOOP KHUMBHLA GAYI HAI FURQAT SE-

HAM SABHI KO HAWAS HAI DUNIYA KI-
KOI BACHTA NAHIN BURI LAT SE-

MUJHKO MANZIL PUKARTI HAI JAB-
AABLE DEKHTE HAIN HAIRAT SE

DIL JALAYA THA MAINE DHARTI PAR 
JHUK GAYA AASMAN HAIRAT SE

KHUSHBUYE,N RAQS PAR HAI,N AAMADA
GHAR ME SAB NOOR HAI IBADAT SE

APNI JANNAT BANAI HAI MAINE
-GHAR ME QURAAN KI TILAWAT SE

YE TO BANJAR ZAMEEN THI ISME
PHOOL MAINE UGAYE MEHNAT SE

 MAIN TO BE KHAUF BOOLTA HUN SACH
-LOG DARTE HAIN MERI HIMMAT SE

 USKE SAPNE KHAREED LAYA MAIN-
 SIRF TANHAIYOO,N KI DAULAT SE

 SAIKDOO,N AANGNOO,N KE DEEPAK WO_
 KYUN BUJHATA HAI APNI NAFRAT Se

 MUJHKO ROOKE HAI MERI MAJBOORI _
KHELTE HAI,N WO MERI GAIRAT SE

DEEKH FAULAD GAL BH I SAKTA HAI
---AANKH KE AANSUON KI TAQAT SE
AAJ HAI DUSHMANI PA AAMADA-
KAL PATANGE,N UDAI,N JIS CHAT SE
 KHAWAB AANKHOO,N SE HO GAYE RUKHSAT
 -WO BHI GHABRA GAYE QANAAT SE

LOG SAMJHENGE BUZDILI SO MAIN
DOOR RAHTA HUN AB SHARAFAT SE

 AAP MUJH KO SHIKAST KYA DEENGE
HAUSLA MIL RAHA HAI DIQQAT SE

DIL ME KHANJAR WAHI UTAREGA -
-MUJHSE MILTA HAI JO MUHABBAT SE

 FIKR KE PAAN,O RUK NAHI,N SAKTE
-AASMAA,N PAS HAI MIRI CHAT SE

MERE LAFZOO,N ME JAAN HAI SARI
MERE MAULA TIRI INAYAT SE

ZINDGI BHEEK ME MILE TO PHIR -
-NOCH KAR PHAINK DUN HIQARAT SE

 SEHN-E-GULSHAN ME TAZGI KYA HO-
PHOOL MURJHA GAYE SIYASAT SE

DAUR-E-HAZIR ME SHAUQ SAHIB AB
-KAM CHALTA NAHI,N SHARAFAT SE

 USNE PAIROO,N ME RAKH DIYA HAI SIR
-WO BHI WAQIF HAI MERI AADAT SE

शुक्रवार, 9 नवंबर 2012

DIYA KISI KA BHI RAHTA NAHIN KABHI MAHFOOZ ..

HAR IK MAQAM PA JAB TU HAI WAQAI MAHFOOZ ..
TO PHIR YE KAISE HAI ZEHNOO,N ME GUMRAHI MAHFOOZ ..

BINA HAWA KE BHI BUJHNA HAI EK DIN USKO .
DIYA KISI KA BHI RAHTA NAHIN KABHI MAHFOOZ ..

TO KHUD KUSHI N KARO MASALE KA HAL DHOONDHO.
JAHAN KE BAD BHI RAHTI HAI ZINDGI MAHFOOZ ..



KI MOR JHOOM KE NAACHE HAI BHEEGTE BAN ME .
RAKHO TO AISE RAKHO DIL KI HAR KHUSHI MAHFOOZ ..



HAI APNI MAUT KI AAHAT PA ROOH PHIR KHANDA,N.
BICHAD KE BHI THI YE PREETAM SE BAWALI MAHFOOZ ..



JAHAN-E-GUMSHUDGAA,N KE MAKEEN HAI,N SAARE .
YAZEED HO KI HO FIRAUN HAI KOI MAHFOOZ ..



HAI MERE JISM ME TERE HI NOOR KA PARTAV .
ISE TO RAHNA HAI MARNE KE BAD BHI MAHFOOZ ..



N KOI KHARJI MISRA N HI KOI MAFHOOM .
HAMRE SHEROO,N ME HAI FIKR-E-DAKHILI MAHFOOZ ..



KAHI,N JAHA,N ME THIKANA NAHIN MILA ISKO .
HAMRE GHAR ME HI RAHTI HAI MUFLISI MAHFOOZ ..



MITHAS ITNI BHARI HAI ZABAN-E-URDU ME .
JABHI HAI ISME BALA KI SHAGUFTGI MAHFOOZ ..



NIKAL TO AAYE HAI,N JANGAL SE SHAHER ME LEKIN.
TAMAM SHAHER ME AB TAK HAI,N JANGLI MAHFOOZ ..



BACHANE WALE SE KAMTAR HAI MARNE WALA .
JABHI HAI SHAHER-E-SITAMGAR ME ZINDGI MAHFOOZ ..



WO BANT TA HAI UJALE TAMAM DUNIYA KO .
HAI JISKI PUSHT PA SADIYOO,N KI TEERGI MAHFOOZ ..



KHUSHI ILAQ-YE-DIL SE NAHIN GUZARTI HAI .
N WO YAHAN HAI N AB USKI YAD HI MAHFOOZ ..



KHUDA NE TUMKO BANAYA HAI AFZALUL -MAKHLOOQ.
TO KISNE ZEHN ME RAKHKHI DARINDGI MAHFOOZ ..



ZAMEEn-E-FIKR ME BOTA HUN ROZ TUKHM -E-NAU.
JABHI TO GHAZLOO,N ME RAHTI HAI TAZGI MAHFOOZ ..



N RAH SAKI TIRI AANKHOO,N ME PYAR KI KHUSHBOO.
N AB BACHI MIRE SEENE ME AAG HI MAHFOOZ ..



TAMAM SHAHER SE ZINDA DILI NADARAD HAI .
BAGHAIR USKE N DIN HI N RAAT HI MAHFOOZ ..



JANAB AAPNE KAISA SAWAL POOCHA HAI .
WABA-YE -FIRQA PARASTI ME AADMi MAHFOOZ ..



HAI SIRF WIRD-E-ZABAA,N NAM IK TIRA MALIK.
N KOI DAWA E SAJDE NA DAGH HI MAHFOOZ.....

शनिवार, 3 नवंबर 2012

naat.....

KHULEGA OR NA KHUL PAYA KABHI UQDA MUHAMMAD KA.
KHUDA HI JANTA HAI MANSABO DARJA MUHAMMAD KA..

AGAR AANKHOO,N ME BAEENAI KII LAZZAT HAI ABHI BAQI .
ZAMI ,N SE AASMA,N TAK DEKHIYE JALWA MUHAMMAD KA..

MA-E- TAUHEED PEENA HAI TO JAB CHAHE CHALE AAO.
KHULA RAHTA HAI ROZ- O-SHAB YE MAIKHANA MUHAMMAD KA..

KITAB- E- HAQ PADHOOGE TO KHULEGA RAZ YE TUM PAR .
KHUDA KA HAI WAHI BANDA JO HAI BANDA MUHAMMAD KA..

AMAL SE AUR TAQWE SE MILEGI FAUQIYAT TUMKO .
YAHI THA NASL-E-AADAM AAKHIRI KHUTAB MUHAMMAD KA..

MUHAMMAD KI SANA KARTA HAI KHUD QURAA,N ME KHALIQ.
HUDOOD- E - FIKR SE AAZAD HAI RUTABA MUHAMMAD KA..

GHULAM-E-MUSTAFA HUN MAIN MUJHE DUNIYA SE KYA MATLAB.
MUJHE PAHCHAN LEGA WO JO KHUD HOGA MUHAMMAD KA..

HASAD NE AAJ KAR DALI HAIN FIRQABANDIYA,N KITNI.
WAGARNA IBTIDA SE EK THA FIRQA MUHAMMAD KA..

UNHI,N KE WASTE DUNIYA BANYI KHALIQ_E _ KUL NE.
TABHI MAQROOZ HAI DUNIYA KA HAR ZARRA MUHAMMAD KA..

DUA DETE THE WO HAR DAM AZEEYAT DENE WALO,N KO.
HAMESHA YAD RAKHKHO US WA_E_ HASNA MUHAMMAD KA..

LAQAB UMMI THA LEKIN SARI DUNIYA KO SIKHATE THE .
THA ILMUL_GHAIB PAR BHI KIS QADAR QABZA MUHAMMAD KA..

TUME,N ALLAH KI QURBAT KABHI HASIL NAHIN HOGI .
JO SAMJHA HI NAHIN QURAAN SE RISHTA MUHAMMAD KA ..

TASHADDUD KI FAZA ME SANS LETE HAR MUSALMA KO.
BANANA CHAHIYE KIRDAR, THA JAISA MUHAMMAD KA ..

LAGE THE KALM-E-HAQ BOOLNE KANKAR HATHELI PAR.
KHUDA KI MEHR THI SARA KARISHMA THA MUHAMMAD KA ..

QANA AT KHUD NABI KE PAAN,O CHOO KAR FAKHR KARTI THI.
WAGARNA DOONO AALM ME NAHIN KYA THA MUHAMMAD KA ..

AGAR TOO ROZA_ E_AQDAS KI JALI TAK KABHI PAUNCHU,N.
TO CHASHM E "SHAUQ" TOO BHI DEKH LE ROZA MUHAMMAD KA ..

DARD SE SEENA GAYA THA PHIR JHULAS..

AANKH SE AANSU NIKALNA THA KI BAS. + DARD SE SEENA GAYA THA PHIR JHULAS..

PHIR ZAMEEN -E-DIL ME CHAYI HAI UMAS. + AANKH KE BADAL YAHAN KHUL KAR BARAS..

KAGHAZOO,N PAR HAI CHAMAN .KALIYA,N N RAS + AUR MAGHAS KYA DOOR HAI AKS-E-MAGHAS

ZINDGI PAL-PAL GHATATA HAI MIRI + KHATAM HOTA TOOT TA IK IK NAFAS

SAB PE QABZE KI TALAB ME AADMI + HAI AZAL SE TA ABAD BE DATRAS

CHEEKHTI HAI,N RAT BHAR TANHAIYA,N + SARD RATOO,N NE BADHAI HAITAMAS

TU SITARA HAI TO RAUSHAN KAR JAHA,N + ABR HAI TO IN ZAMEENOO,N PAR BARAS

NA MURADI MUNTAZAIR THI GHER LUN + HAN MAGAR UMMEED PAR CHALTA HAI BAS

MUFLISI BAL KHAI NAGAN KI TARAH + EK DIN IN BE ZAMEEROO,N KO BHI DAS

DIL DAHELTA HAI JO SUNTA HUN KABHI + NUQRAI LAFZOO,N ME HAI BAANG-E-JARAS

ZINDGI KARNA SIKHA DE,N JO HAME + LOG AISE CHAHIYE DO-CHAR-DAS

KHUD SE MILNE KI TAMANNA THI MILE + DHUL GAYI CHEHRE SE DUNIYA KI HAWAS

BARISHE,N MUJHKO JAGANE AA GAYI,N + EENT KA TAKIYA LAGA SOYA THA BAS

SEEKHTE HAI,N LOG DARYOOZA GARI + BADH GAYI HAI KITNI AADAM KI HAWAS

HUKMRAA,N BHI TILMILATE HAI,N BAHUT + JAB PARINDOO,N PAR NAHI,N CHALTA HAI BAS

MAUT SE MUJHKO DARANA HAI FIZOOL + ROZ HI TO MAI,N BADALTA HUN QAFAS

KHO GAYI HAI PHIR CHAMAN KI TAZGI + DHOOP NE PHIR PII LIYA KALIYOO,N KA RAS

DAGH KAB LAGNE DIYA HAI JISM PAR . + HAMNE YE CHADAR RAKHI HAI JAS KI TAS

BUGHZ RAKHTA HAI TU APNE QALB ME. + MERI SHOHRAT SE JHULASTA HAI JHULAS

KHOL DEE,N HAI,N FIKR KI SAB BEDIYAA,N + SARI DUNIYA,N KO LIYA BAHOO,N ME KAS

LAFZ HAI,N BATN-E-QALAM ME MUNTAZIR + IS QADAR HASIL HAI MUJHKO DASTRAS

ISHQ KA PATHTHAR HAI BHARI KIS QADAR- + HO NA PAYA AAJ TAK JO TAS SE MAS---

USNE PHIR QAULE ALI SABIT KIYA + JIS PA BHI KHAYA KABHI MAINE TARAS

RAH GAYI,N SAYYAD KI AANKHE,N PHATI- + KAT DALI HATH KI IK- EK NAS--

HO GAYI MAHAUL ME TEZABIYAT - + KHA GAYI AAB-O-HAWA KO PHIR UMAS-

KHAN-E-DIL ME KAHE,N KOI NAHI,N- + IS QADAR BISIYAR TANHAI KI BAS--

DAST O BAZOO LE GAYA HAI WO MIRE- + KAH RAHA THA JO KI KHA MUJH PAR TARAS-

HATH ME KUCH BHI NAHIN HAI AUR TU- + CHAHTA HAI HAR KISI PAR DAT RAS--

ZULM KI WO AAKHIRI MANZIL THI JAB- + ILTIJA KHUD MAIN NE KI ALLAH BAS-

BATN-E-MADAR BAN GAYE HAI,N QATLGAH- + KIS QADAR QATIL HAI INSA,N KI HAWAS-

BE ZAMEERI SO RAHI HAI ODHKAR - + CHADAR-E -AASAISH E HIRS-O-HAWAS-

KAUN AAYA JHOOM KAR NACHI BAHAR - + GUNGUNATE HAI,N CHAMAN KE KHAR-O-KHAS--

PAAN,O KE CHHALO,N KO MANZIL MIL GAYI- + BAH GAYI HAI PHOOT KAR BOO-E-HAWAS-

TOD KAR PHIR RAT KA GAHERA SUKOOT - + DOOR SE AATI HAI AAWAZ-E-JARAS-

AANKH HO TO DEKH MERI AANKH ME- + RAT KI TANHAI KI BOONDOO,N KA RAS-

US SE MILNE KI LAGAN ME DOSTOO,N- + CHOOD AAYA JISM KI SARI UMAS --

JAB KABHI USNE MUJHE AAWAZ DI - + TOD KAR BAHAR NIKAL AAYA QAFAS--

TUJHSE BICHDA HUN TO AYE JAN-E-BAHAR- + EK IK LAMHA LAGE IK IK BARAS-

JHOOTHOO,N KI SARI KARASTANIYA,N - + TU KABHI INKI BHI TO RASSI KO KAS-

AAJ KAL HAM BHI ISI ZUMRE ME HAI,N- + KAL TALAK KHATE THE LOGO,N PAR TARAS-

WAQT TO ANGDAIYA,N LETA RAHA . + AUR HAM DEKHA KIYE ITNE BARAS..

ZINDGI MUTHTHI ME AAI RET THI - + HATH SE YUN CHHOOT KAR BIKHRI KI BAS.

PHIR KHAS O-KHASAK ULJHE PAAON ME. + DOOR SE MANZIL NAZAR AAYI KI BAS..

LAHJ _E _ DUSHNAM ME BOLE ADEEB . + JAB DILOO,N ME BAS GAYI ZALIM HAWAS..

AAO HAM UN PAR KABHI MATAM KARE,N . + JIN KI LAASHOO,N KO NAHI,N MILTA QAFAS..

RAH SE BHATKA HUN MAI,N MERE KHUDA. + AUR AB HALAT KI ZANJEER KAS..

SHAUQ US MAALI P A LAANAT BHEJIYE - + ADHKHILI KALIYOO,N KA JO PEETA HAI RAS-
..