GHAZAL HAI SHAHR-E-TAMADDUN ME AAJ BHI MUKHLIS..

TAMEEZ-E-SHER-O-SUKHAN HAI TO SHAYARI MUKHILS..
GHAZAL HAI SHAHR-E-TAMADDUN ME AAJ BHI MUKHLIS..

HAWAS KE PANKH KATARTI HAI MUFLISI HAR WAQT.
MIRE LIYE TO HAI JESE SITAMGARI MUKHLIS---

GUMAA'N KI DHOOL HATATI HAI DIL KE SHEESHE SE.
MUJHE TO LAGTI HAI APNI HI SHAYRI MUKHLIS---

FARAR HO GAYI ZINDAN-E-JISM SE IK ROZ.
KABHI HUI N HAMARE YE RAUSHNI MUKHLIS---

BHATAK RAHE HAI,N SIYASI DAYAR ME HAM LOG .
KI AB TO LAGNE LAGI HE YE BE DARI MUKHLIS---

HAI GUMRAHI SE BACHANA HI MAQSAD-E_AWWAL .
TABHI TO KAHTA HAI MUJHSE KHARI KHARI MUKHLIS---

KISI KISI KO HAI AURANGZEB SE NISBAT .
KISI KISI KE LIYE RANG-E-SARMADI MUKHLIS---

SADAQATOO,N KA AMEE'N HUN YE BAT JANTE HO.
MAIN KAISE KAH DUN KI HAI KEENA PARWARI MUKHLIS---

TAMAM KHAMA-FAROOSHOO,N KI BHEED THI HAR SAMT.
NAHI,N HAI SHAHER-E-GHAZAL ME IK AADMI MUKHLIS---

TALLUQAT KI CHADAR UTAR DI ME'NNE .
MUJHE BHI LAGNE LAGI APNI BARHAMI MUKHLIS---

KISI KE BARE ME ACHCHA WO KAISE SOOCHEGA .
KABHI HUA NAHIN APNA JO AADMI MUKHLIS---

WO MERE QATL KA SAMAAN KAR RAHA HAI SHAUQ .
JO MUJHSE KAHTA RAHA, MAIN HUN WAQAI MUKHLIS---